 |
Questa pagina a no l'è stæta corretta. | |
Seguita la Strofa
Vergine santa cara de Savonna
No sdegnæ a povertæ de queste rimme
Agre e raspanti comme tante limme
De questa miserabile coronna,
E perchè cô i ciù misei seî ciù bonna
Quanto ciù seî magnifica, e sublimme;
Fæ che a ò cœu me diventan tante zimme
D’un santo ardô pe a Vostra câa Personna,
Da sta tæra chi è orba ciù che losca, '
Schivôu tutto ò ben faso chi se sguara
Sotî comme tagnâ, comme àa de mosca
A un vostro lampo a ò Çê piggiemmo a scara
Do nostro ultimo bâgio a l'ora fosca,
Vergine stella luminosa e cara.
