 |
Questa pagina a no l'è stæta corretta. | |
Do vostro solo respirâ a unna bava
Povera Contadinna in Lavagnœa[1]
Dé a a luxe unna belliscima figgiœua,
Ma sciuta senza læte a se trovava,
Quando dò Sœuxio, in grazia vostra, a Crava
Do sò tettin gh’impì a panzetta vœua,
Che a ò bûttava delongo in ta fascœua,
Perchè a n’aveiva troppo e ò gh’avvanzava:
E se a l’era con i atre in ta pastüa,
Per dexe meixi a viddan galoppâ
A fâ da Mamma a a povera creatüa;
Intanto a brava Donna consolâ
O quaddro a l’appendè da sò aventüa,
Vergine de Savonna , a ò vostro Altâ.
- ↑ Sobborgo in Savona.
