 |
Questa pagina a no l'è stæta corretta. | |
Miracolo da Vergine amorosa
Fù, da descrive in quelle etærne Carte,
Quando tutto d’Italia in ogni parte
A pæste a fava strage strepitosa,
Che con opea Divinna portentosa
De quella man che grazie ne comparte,
Tegnì Savonna allòa comme in disparte
Salva da quella strage rovinosa.
De quella grazia immacolata e püa
Che da a pæste do Diao ne mondâ e lava
Fæne sempre, Maria, bonna mezüa;
E d’esto mostro a velenosa biava
Fæne sparî comme fa ò vento, a püa
Dò vostro solo respirà a unna bava.
