 |
Questa pagina a no l'è stæta corretta. | |
REVISTA RETROSPETTIVA
EUROPEA.
Comme da rondaniña ô sghêuo spedio
Che per l’aia ô l'acciappa pe cammin
Mosche e sinsae, ch'a porta in to so nio
Pe dâle pe alimento ai so piccin,
Coscì mi all’Anno chi è pe terminâ
Daggo uña scorsa rapida e un’eûggiâ;
Pe arrechêugge in çâ e in là i ciù rilevanti
Træti e cuiosi da moderna istoia,
Per ornâ e pe nutrî de tutti quanti
I mæ lettoî benevoli a memoia,
Pe so schêua e pe so regola, con cose
Dilettevoli a un tempo e vantaggiose.
I.
O prinçipio de l'anno a Zena ô brilla
Pe-a comparsa improvvisa do Balilla,
Giornale, che a despeto di pedanti
