 |
Questa pagina a no l'è stæta corretta. | |
pregi per mi a lo nostro Segnor, persochè ti te dei bem arecordâ quando li serventi chi goardav[a]m la porta te acuzavam, e mi te schuzava".
E san Pero ge respoze: "Noi semo avora tuti atenti a lo servixo de nostra Dona, si che noi non te possemo goarî, ma se ti voressi crë in lo mê Segnor messê Ihu. Xe. e in la soa santa Maire, e' o speranssa che ti sareissi deprezente sanao".
E quello respoze: "E' crao fermamenti che messê Ihu. Xe. sea Figör de Dee e de questa santa Dona, la qua voi portai morta". E deprezente o ge fo desihavae le maim sane e salve. Unde ello con grande reverencia lassà lo leto e fo convertio.
Alaora messê san Pero si ge disse: "Prendi la parma, la qua porta Zoane nostro frai in man, e si la porterai sorve tuto lo pövo in mirachullo, e deprezente e' saram tuti inluminai, quelli chi voràm crë in messê Ihu. Xe."
E cossì fo.
Alaora li apostori portàm la nostra Dona, cossì como voi avei odio, e si la missem in lo morimento, como ge fo comandao da Dee. E a lo terso iorno, si vegne messê Ihu. Xe. con grande conpagna de angeri e saruà li apostori e ge disse: "Pax vobis".
E elli respozem: "Lo Segnor de gloria sea cum noi, chi sei sollo quello chi fai le grande maravege".
E alaora messê Ihu. Xpe. disse a li apostori: "Che onô ve pâ che fassa a la më Maire?"
E li apostori respozem: "Segnor, a noi pareiva drito che ti resusiti lo so corpo, e cossì como la morte e vita regna prepetualmenti, che ti la resusiti e falla seze da la toa drita parte prepetuamenti".
E lo nostro Segnor concedè tuto questo. E deprezente messê san Michê adusse l'anima de madona santa Maria a lo nostro Segnor. E alaora lo Sarvao parllà e disse: "Leva suza, mea cara amiga e prossima coronba, tabernachullo de gloria, vaxello de vita, tenpio celestiâ, e cossì como ti non avessi mai nissum carnal dexiderio, ni tacha de peccao, cossì ti non sentirai nissuna coruciom corporâ in ti dentro da lo to corpo e [...] da lo sepolcro". E alaora a l'insì föra da lo sepolcro e fo resevota in la camera selestiâ con grande gloria e con grande conpagna de angeri.
San Tomao non fo a queste cosse e non credadolle[sic] merità de avei la soa sentora, perchè o fosse exenplio a tuta gente che la nostra Dona montasse in cel maravegozamenti. E tuto questo se tröva inter la pìstora che messê san Zoane mandà a Paolla e Ustochia. E si se cointa inter li söi mirachulli, che la vestimenta de la nostra Dona per consolatiom de li crestiani si romaze inter lo so morimento.
Un cavaler chi era monto devoto de la biâ Vergem Maria si andava una fiâ a um torniamento, e andando a trovâ in via una abaia de monexi, la qua era faita a onô de la biâ Vergem Maria, e' intrà dentro per oir la messa, e ge stè tanto, fin che lo officio fo livero, e pöa o montà in grande cointa a cavallo, pariandoge che o fosse staito tropo. E andava a lo torniamento, e cavarchando ello inver quelle parte, si incontrà de quelli cavarê chi retornavam da lo torniamento, chi era za faito, e ge incomensàm a fâ grande festa a questo, parllando tuti inseme e digando: "Messê, 'o avei anchöi faito pu de cavalaria de vostra man cha tuti li atri cavaler". E in questo modo piaschum ge dava grande prexo, e atri vegnivam per la via digando: "Anchöi fosti preizo per lo megor cavaler de lo mondo". E tuti quelli chi lo trovavam se ge rendeivam per prexoim in lor vita. E lo cavaler, lo qua era savio, e cognosando apertamenti avei resevoto questo honor da la biâ Vergem Maria, e' tornàsene monto umer a l'abaia, e agando questo chavaler rechoitao[sic] tuto so che g'era intervegnuo, si romaze in soa vita in quello monester, persochè l'era de la biâ Vergem Maria.
Un lairo chi invorava spesso, e questo avea grande devociom a la biâ Vergem Maria, si che ogni sabo o zozunava a lo so onô in pan e in aigoa, e seando staito prezo per fruto e apicho, la Vergem Maria fo con ello, e sostegandolo per trei jorni con le soe main, si che o non sentiva nissuna penna. E serti homi chi l'aveam faito apichar passando
