Pagina:Marston56.157-187.djvu/49

Da Wikivivàgna

Um miracoro de um ereticho faito per messê san Jeronimo

O fo um hereticho lo quâ avea nome Sabiam e lo quâ mentiva Xe. in doe veritae e anchora o dixea vei, persochè con veritë alchuna vota o se descordava l'una da l'atra. E ge dava questa raxom, soè de quella parolla che Xe. disse in lo Evangerio: "Paire, parti da mi questo carexo", e per queste o dixea che una volontae de ch Xe. non se acordava con l'atra a la passiom, e constreito da la anima o la resevè. Per le quë raxoim o disse che Xe. vosse monte cosse che o non poè avei. E de questi tai heroî o ne avea faito um libero, lo quâ e' l'intitullà "De lo biao Jeronimo speiho de ogni veritae". Ma persò de pocho avanti a la soa morte e' l'aea[sic] scripto a Agustim sorve la dicta materia, in la quâ pistora o desiheirava lo dicto heror, si che lo dicto Cirillo fè monto requerî lo dicto Sabiam con tuti li söi segaci, e ordenà che la domenega matim che e' devessem vegnî e che o voreiva dist disputâ con lor in la cotâ zexia, unde o lo vorea confonde de lo so herô. E seando Cirillo con monti suffecienti veschi e atri crestiani in la dicta zexia con quello hereticho e con li söi ceg segaci, in la quâ zexia e' incomenssà de desputâ. E durà quella disputaciom da l'ora de nona tanfin a l'ora de vespo. E lo dicto hereticho alegando contra l'otoritë de quello libero che ello conpoze contra san Jeronimo[1], in lo quâ o metea la falcitae che ello avea ordenao, le quë cosse vegandolle, lo venerabille Silvam arcivescho de Nazaret, e lo q avea lo biao Jeronimo in grande reverencia in modo che in tuti li söi fati o lo invochava, per la quâ cossa e' l'era ihamao da tuta la gente, si che quaxi o non poiva sofferî de odî quelle cosse, e si se levà e disse fortementi che se incomenssàm a vilanezâ de parolle e sifatamenti che se vossem mete man. Pu a la fin e' vègnem a una conpoxiciom, che l'umdeman a l'ora de nona, che lo biao Jeronimo mostrasse maniffestamenti che lo dicto libero fosse fasamenti conpozo da lo dicto hereticho, e se o non lo mostrasse, che a lo arcivescho fosse tagiâ la testa. E in questo modo piaschum se ne tornà a caza soa. Per la quâ cossa tuti li fidelli crestiani se missem a vegiâ in la dicta zexia unde e' stem in oraciom pregando a san Jeronimo chi mostrasse la veritae e che o schanpasse lo arcivescho da lo dicto hereticho e da la morte, e che o lo feisse vitoriozo. E vegnuo lo dì e aprossimandosse l'ora, quello hereticho ze a la zexa per tenpo. E ge andava correndo dentro per entro[2] como farea um leom inragao inraihao, ello e li söi segaci, e lo servo de Dee e tuti li crestiani invochavam lo nome de Dee e de lo beao Jeronimo, lo quâ stava a vegnî, e asochè o se mostrasse gloriozo, de la quâ cossa maravegiandosse Cirillo, che non paresse nissum miracoro, l'arcivescho fo condanao a la morte, lo quâ andando a lo lögo de la justixa per essege tagiâ la testa, in lo quâ lögo e' l'andava con tanta alegressa, como se o fosse andaito a um grande convivio, confortandolo lo vescho e tuti li crestiani, a li quë o dixeiva: "Fraelli mê alegrëve e non ve contristai, perochè Dee non abandona mai quelli chi speram in Ello, e se o non me exaudisse, penssai che l'è per lo mê pechao." E dicto che ave lo arcivescho queste parolle, si se inzenogià in terra e disse queste parolle: "O' san Jeronimo, aiame se te piaxe, e non me abandonâ in l'ora de la morte, asochè non sea privao de quella santa gloria, la quâ non a mai fin." E dicte queste parolle o desteize lo collo in terra, e lo manegodo asando lo brasso in ato per voreige tagiâ la testa, echa che in le aire aparsse sam Jeronimo in prezencia de tuti e desteize la man e aferrà lo brasso de lo manegodo in tanto che o non poè menâ lo corpo. E pöa san Jeronimo disse a lo arcivescho che o devesse levâse, e pöa o repreize monto quello hereticho digandoge che quello libero era fassamenti conpozo da ello. E dicte queste parolle de subito o disparsse. E in quello instante la testa de quello hereticho se ge departì da lo collo, como se ase a ge fosse stëta tagiâ de una spâ, e cheite in terra morto. Per la quâ cossa li disipori de quello hereticho maravegiandosse, si se convertin tuti a la fe' de messê Ihu. Xpe., lo quâ è beneito in seculla secullorum.

Amen.

Um miracoro de lo dicto Silvam arcivescho faito per mssê[sic] san Jeronimo

E a questo miracoro de sorva ge vögio azonze uno atro miracoro de lo dicto Silvam, e tuti li homi chi eram in quello tenpo in Nazaret e in Betellem si renderam testemonio de quello che elli vim. E vegando lo inimigo de l'umana generaciom non poi nöxe a lo dicto Silvam arcivescho, e abiando invidia a la soa santitae, e lo quâ pensava senper de levage la soa bona fama e per alargâ piaschum da ello, unde o preize forma de lo dicto Silvam e si aparsse una nöte a una dona de quella citae, seando ella in leto e si ge ze apè e si la incomenssà de asonâ e a dige che ella ge devesse consentî, e che ello ge darea lo so amô. Unde ella vegando so e piña de grande poira, e' l'incomenssâ fortementi a criâ. A li quë crij corssem tuti quelli de caza e zem a la camera de questa dona, e cossì o ge corsse monti de quelli vexim, e lo demonio insì de lo leto in quella mesma forma de lo arcivescho Silvam, e quelli chi eram corci lì si demandàm a la dona perchè e' l'avea criao si forte, e la dona tuta spaventâ ge disse che um homo ge era vegnuo sum lo leto, per la quâ cossa ella avea cossì criao. E elli, odandola, si incomenssàm de serchâ tuta la caza e si trovàm lo maligno demonio sum lo leto in forma de lo arcivescho Silvam, e goardando questo e' se cretem fermamenti che o fosse desso. E de questo seando tuti maravegiai per la soa grande fama de la soa santitae e per la devociom che elli aveiva in ello, e demandandoge como e' l'era cheito in questo pechao, e lo demonio, per falli bem trubâ, si ge respoze e ge disse: "E che mâ è faito[3], che ella m'a pregao che vegne a dormî con ella." E la dona seando de queste parolle monto corossâ, si ge disse che ello mentiva per la gora. E lo demonio per inicialla pu[4], si disse monte oribille parolle. E quelli chi eram lì, non possando sofferî de odî

  1. opponendo contro a noi il predetto Eretico, e allegando quel libro, il quale egli avea fatto, e intitolato di Santo Girolamo
  2. parendogli essere vincitore
  3. "Male ho fatto, vero è", ma foscia chì a poriæ ese un'interogativa a-a primma persoña "E che mâ [ò]-ê faito?"
  4. per incitare più