 |
Questa pagina a no l'è stæta corretta. | |
paire Jeronimo como ne lasi tu? O' mizeri noi che possemo bem pianze e sospirâ non degiando poi pu vei la toa prezencia. O' conforto de li trubulai, consegio de li desconsorai, lume de li cegi e lume de tuto lo mondo, e como te e-tu si tosto partio da noi? Tu eri quello chi ameistravi li grandi, e li piseni, e li orffani, e le vidoe, e li vergini, e anchora quelli chi eram in stao de matremonio si li adrisavi como se deveiva conportâ. Aora pianze e sospire ogni umana generaciom de jente, abiando perduo cossì benigno paire e cossì forte conbateao de la fe' de Xe.. Aora prenderà bem odacia li heretichi e pagani, che o non ge sarà pu Jeronimo chi ge contradiva. O' gloriozo Jeronimo, prega lo nostro Segnô Dee che o non lasse manchâ la nostra fe'." E depoî queste parolle lo gloriozo Izöbio incomenssà a conffortâ li söi fraelli e cossì lê mesmo, e dixea: "Ogni dolor e ogni tristessa se ne vaga via, presochè se noi amemo lo nostro paire, alegremose de l'alegressa che l'avoto[sic] de so che ello dexirava, e l'a resevoto lo trionffo e la vitoria de li söi inimixi e si a condio li söi afani, e ora o se repossa in quello lögo sensa fin con la sollenitae de li angeri e con la conpagnia de li citem selestiai cellestiai, in lo quâ non se aspeta amermamento de gloria, ma cressimento, quando sarà la universsâ resuressiom de tuti li morti, e alaora lo corpo de piaschum justo sarà beao con l'anima, e gloria sensa fin, la quâ gloria la soa anima pocee aora. Adoncha lasando lo beao Jeronimo la trista vita, ello a elezuo la mego parte, la quâ non ge sarà levâ in eterno, per che e' se demo aleg<a e exalta."
E metando fin a le soe parolle o disse: "O' gloriozo Jeronimo, pöa che ve sei partio da noi, e' ve pregemo che vogiai fâ memoria de noi, asochè in le toe pregere, in la prezente vita unde e' semo, che seamo goardai da le cosse mondane e che depoî questa vita e' possamo aquistâ la gloria de vita eterna, la quâ non vem mai mem."
Chì se conte[sic] de monti miracoli
Lo biao Izöbio nara che avanti che fosse sp sepellio lo corpo de messê san Jeronimo, che ello e monti atri vin che um homo sego fin da la soa nativitae, lo quâ tochando ello lo corpo de lo beao Jeronimo incontenente o resevè la vista, per che o fo degna cossa che quello miraculo se mostrasse, lo quâ avea inluminao tanti segi intelleti.
E anchora de um zovem chi era sordo e muto, e lo quâ baxando quello santissimo corpo, de subito e' l'odì e parlà.
E anchora o fo um ereticho, lo quâ dixeiva che quello satissimo[sic] corpo era degno de esse bruxao, e cossì o lo ihastemava inigamenti, e deprezente la divina vorentë detreminà per exenpro de li heretichi che ello devègne tuto de legno, e in prezencia de tuti quelli chi eram lì o vègne um forgoro da cell chi lo bruxà tuto, e lantô monti eretichi e segi se convertin a la fe' de messê Ihu. Xe. gloriffichando Dee e lo beao Jeronimo.
E anchora monti infermi e indemoniai foin sanai, e li demonei criavam e dixeivam a san Jeronimo: "Perchè ne persegui-tu, tanto vivo e morto?"
E como e' o dicto de sorva lo beao Jeronimo avea comandao che o fosse sepellio davanti lo seporcho sepolcro chi era davanti lo lögo unde era nassuto messê Ihu. Xe., e pöa che o fo sepellio, per vertue de Dee lo so corpo mostrà monti miracoli, promeramenti per la providencia, con singullâ previlegio, avegnadeeche in atro lögo e' l'anonciasse l'intramento de Xe. in lo mondo, e cossì lo intramento trasmutamento de lo biao Jeronimo, la quâ cossa Xe. vosse renovâ da cavo. E quando lo corpo de questo gloriozo dotor fo stralatao e portao a la citae de Roma, e misso in la zexia de santa Maria Mao, in quello lögo unde era asignao lo precepio de lo Nostro Segnô, or o disse lo biao Cirillo che, seando con ello monti veschi e previ e abai de ogni dignitae, e con grande multitudem de crestiani, la domenega depoî Pedecosto, per vore[sic] stalatâ[sic] lo corpo de lo biao Jeronimo e metello in um bello morimento che aveiva faito fâ Cirillo e honoreivementi debussao, e pariando a Cirillo non esse degna cossa che lo corpo de cossì grande dotore devesse stâ soteterra, e seando lo dicto Cirillo vescho vestio de le vestimente saserdotae, e ello propio si incomenssà de cavâ la terra unde era quello gloriozo corpo intrego, e lo quâ stava in aire in tâ modo che o non tochava da nulla parte de la fossa, e lo quâ corpo menava tanto odore e suavitae che o parea che tuti li odoi fossem lì, e questo corpo era tanto lucente che o parea che lo soll lo crovisse. E preizem lo docto corpo e si lo missem sum lo otar.
E seandoge serti segi, e odiando dî de li miracori de lo biao Jeronimo, si se fem menâ in quello lögo unde era lo corpo de lo gloriozo Jeronimo, e fasandosse tochâ li ögi e' recoveràm la vista, e pöa se ne zem sani e salvi gloriffichando Dee e lo gloriozo Jeronimo.
E alaora trei demoniai fon liberai. E anchora una vidoa chi non avea salvo um figio, la quâ odando dî de li miracoli de lo biao Jeronimo, si se misse andâ unde era lo so corpo, e lo figio fo negao da la murtitudem de la gente, e la amire vegando lo figio morto con lo sangoe chi ge insiva da lo nazo e da li ögi, e parea tuto schisao, per la quâ cossa la maire se tirava li cavelli, criando e pianzando a dixea: "O' gloriozo Jeronimo, lo mê figio è morto per ti, per che e' te prego che ti me lo rendi, che sum serta che ti ê quello chi pöi avei gracia da Dee." E cossì pianzando a preize lo so figio in braso e con grande devociom a lo misse inter la fossa unde era staito quello gloriozo corpo, e incontenente o fo resusitao. La quâ cossa vegando una atra femena a la quâ era morto so figio e sepellio passai za trei dì, si incomenssà a criâ e a dî: "O' gloriozo Jeronimo, e' sum serta che per li töi meriti ti pöi resusitâ lo mê figiollo, cossì como ti ai faito quello de questa." E dicte queste parolle a corsse a la fossa unde era lo so figiör e si lo trè föra, e incontenente lo corpo, chi spussava, resusità.
