 |
Questa pagina a no l'è stæta corretta. | |
e si tremo tuto penssando che questo zuxe è si savio che o sa nomerâ tuti li cavelli de la testa, e si è forte in lo dì de la soa ira, e si è quello chi ronpirà li regni, e si è justo eciamdee che de ogni parolla odioza o ne vorà fâ raxom, e questo timô o lo dè vore[sic] avei ogni homo chi vögia esse justo.
E santo Anbröxio dixe in questa mainera che lo homo dè vorei teme Dee, soè dè fâ quello chi ge piaxe, e si dè considerâ quello chi segoe a chi fa lo contrario, e quello o dè teme, asochè o non caza in questi perigi, e che per maricia o non ronpe li comandamenti de Dee, asochè per justixa o non prevegna a quelli dani.
E san Sidero dixe che lo veraxe timô de Dee si è, che l'omo cognosse che ello abia tanto offeizo, che o non porea mai sastiffâ, se Dee per la soa mizericordia non ge perdonasse lo debito, e per questa caxom o dè senper teme, asochè o non sea privao de la gracia de Dee.
E san Baxirio dixe che lo timô de Dee è grande cossa. E lo timô de Dee si è, che lo homo cognosse che in Dee è ogni possansa e ogni preffeciom, e che o se cognossa che ello è tanto degeto che o non porea stâ senssa quella perfeciom, e che o no porea avei nissum aitörio salvo da Dee, e per questa caxom o lo covem senper teme, asochè o non reste rebello da quella bona vorentae. Anchora o dè considerâ che o non è nissum si justo chi per debito ge possa mendâ nissuna cossa.
E san Remixio dixe che non demo teme ni homo ni demonio, salvo in tanto che elli ne pon mete in l'ira de Dee, e cossì e' demo teme Dee in seculla.
Lo quartodecimo grao è virginitae.
Lo quartodecimo grao si è virginitae. De la quâ Xe. disse in lo Evangerio: "Seam centi li vostri lonbi e le luxerne aseize e ardente in le vostre main", so è a dî, refernë lo vostro corpo de li dezonesti solaci, e pöi fai bone hövere, e pöi sarei luxerne de lo mondo, de lo quâ Dee se deleta e lo pövo ne sarà ediffichao.
E san Poro dixe che o non basta che lo homo se gorde[sic] da fâ mâ se ello non fa lo bem.
E santo Agustin dixe: "E' o odîo dî da lo nostro Segnor Dee che le vergine fon partie in doe parte, soè che fo partie le mate da le savie, persochè le mate non ornavam le lor luxerne, persochè fon serai föra de le noce", so è a dî che non basta a dî che lo cör sea neto se o non è mondo de ogni machulla de peccao.
O se tröva cinque modi de castitë, de le quae l'una è bona e le quatro sum ree. E' l'è monti homi chi teñen castitae per spramiâ la roba, e atri ge n'è chi stam casti per vanagloria, e questa castitae non piaxe a Dee. La quinta castitae è quella de lo homo che soramenti tem per piaxei de Dee, e questa po esse in trei modi, soè virginitae, continentia e matermonio e monda viduitae, e tute piaxem a Dee. E' l'è vei che lo homo po avei mogiê e con questa stâ senssa peccao, con intenciom per quella fuzî ogni peccao e ogni rea intenciom, e de fuzî l'um e l'atro in ogni necessitae, e reduge li figij chi sum in questo mondo servi de Dee, e in lo atro e' seam erei in lo regno de cell. E cossì como lo servixo de la spoza sea pu aceto a De[sic] cha quello de l'ancilla, cossì o piaxe pu a Dee lo servixo de le vergine cha quello de le atre persone e eciamdee in um atro servixo secondo che Dee dixe in l'Avangerio de la semenssa chi cheite in terra e seando de una atra semenssa, de le quai l'una rende cinquanta per um, a l'atro cento per um, so è a dî che fa Dee cento per um in um mesmo servixo, quello de lo matermonio multipicha mem cha quello de le vidoe tanto quanto è da trenta fin a cinquanta, e quella de le vergine multipicha pu cha quello de le vidoe tanto tanto quanto è da cinquanta fin a cento, per che la virginitae è da tegnî monto cara, persochè a fa preciozi tuti li atri mereti. E questa è una vertue che chi la perde non la po mai recoverâ, e quando la persona l'a perdua si se forsse a fâ de li atri mereti, asochè ello possa azonze per forssa de caritae a la belessa che ello a perduo, soè la virginitae.
Lo quintodecimo grao si è dritura.
Lo quintodecimo grao si è dritura, de la quâ Xe. disse in lo Evangerio: "Beai quelli chi am fame e sea de dritura, che elli saram saciai."
E san Zoane evangelista dixe: "Cossì como voi savei che Dee è drito, cossì 'o dei savei che tuto che quello che ello fa è bem."
E san Jeronimo dixe che dritura è grande vertue, la quâ è congregaciom de tute le atre, persochè dritura dà a piaschum quello ch'è so.
E santo Agustin dixe: "Cossì como lo fusto quando o s'acorda lo mezo con la cima, cossì quella persona è drita via la quâ non vö pu de lo mondo, ni pu segnorezâ como ge apertem, ni pu como ello ne dè portâ, e cossì o s'acorda lo mezo con la cima."
E san Grigö dixe: "Cossì como le baransse juste non vam pu in su ni pu in zu, cossì la persona drita non se exalte in le soe prosperitae ni se despere in le soe aversitae."
E santo Anbröxio dixe che soma dritura è a tegnî modo e mezura in tute cosse, asochè lo homo non fassa ni tropo, ni pocho, ni tardi, ni tosto, ma che o fassa ogni cossa con discreciom.
E san Bernardo dixe che in quella hora la persona è dritura quando lo cör, la parolla, le hövere, li segnai se acordam inseme in bem.
E santo Agustim dixe che vita de perfeta dritura è a lassâ tuto quello chi despiaxe a Dee e fâ tuto quello che Dee comanda. Acora[sic] o dixe che dritura è a aprexiâ ogni cossa secondo la leze beneita e desprexiâ ogni cossa secondo la soa natura.
