 |
Questa pagina a no l'è stæta corretta. | |
Lo decimo gra[sic] si è confessiom. De la quâ Xe. disse in lo Evangerio: "Chi me manifesterà davanti li homi, e mi lo manifesterò davanti lo mê Paire de cell." E si dixe a li levroxi: "Andai e manifestaive a li previ."
E Davit proffeta dixe: "E' dissi che manifesterea la mea iniquitae e pöa e' remetereiva la pietae de lo mê peccao."
E san Poro dixe che la confessio[sic] de la bocha zoa monto a la salvaciom.
E san Jacomo dixe como li sacerdoti sum integnui de pregâ a li peccoi che manifestem lo so peccao.
E san Poro dixe che quelli chi sum lavai de le lor peccë per vertue de la santa conffesiom, e pöa che retornam a peccâ, de questi se po dî che seam semegeivi a lo can, chi mangia quello chi amo rozigao e incresse a tuti quelli de caza. E cossì è lo peccao chi dapöa la confessiom torna a peccâ, de che o fa fastidio a tuta la santa Zexia, si che questo è cassao de tuti li mereti de la santa Zexia e de li fideli crestiani.
E Xe. dixe: "Pöa che lo rê sprito è insîo föra per la prefeta conffessiom, e' pensa che o possa tornâ de unde e' l'è insio e pigiâ sete spriti pezoi e fallo pezo sete vota pu che o non era avanti", so è a dî, che cossì como um segnô perdesse um so castello e lo vegnisse a recoverâ, ello lo fareiva pu forte che ello non era, e si ge congregereiva tute quelle cosse per che o l'avesse perduo, asochè o non lo poisse pu perde, e cossì fa lo demonio, che se ello perde quarche homo per esse vegnuo a penetencia e che o ge retorne per lo peccao, ello lo redogia de tute le sete peccae mortë.
E de so Xe. dixe che: "Piaschuna vota che lo peccao pecca e sarà convertio a la soa rea via e' non me arecorderò mai de ello ni de le soe iniquitae."
E Saramon dixe: "Chi asconderà le soe peccae o non sarà reduto a la drita via."
E santo Agustin dixe: "Cossì como lo povero mendigo mostra vorentera la pu trista vestimenta che ello aiha per avei pu limoxina, cossì dè fâ lo peccao quando o va a lo preve o ge dè mostrâ lo peccao che ello a faito e non ge dè mostrâ lo bem, e cossì o reseverà ogni mizericordia. E cossì como quello chi è inpiagao chi mostra la soa piaga e non la cröve avegnachè a sea vergognoza, e questo o lo fa per esse pu pietozamenti meigao, e cossì dè fâ lo peccao quando o va a lo preve, che ello ge dè dî tute le soe peccae e tanto quanto lo peccao è pu vergognozo ello lo dè vorei pu tosto dî e confesallo per essene pu tosto assoto."
E santo Anbröxio dixe che Dee fa lo contrario de li zuxi terem, persochè li zuxi terem zuigam quelli chi confessam e asolvem quelli chi se schuzam, e lo zuixo de Dee non è cossì, chè Dee asolvem quelli chi s'acuzam.
E santo Agusti[sic] dixe che nissuña persona non dè dî: "E' non me vögio conffessâ perssochè non me posso goardâ da peccâ." Non vegamo noi che quando lo homo e preizo e misso in prexom, che ello non a forssa de poisse deffende, ma se ello poisse ronpî lo ligame de che e' l'è ligao o se deffendereiva? Cossì è lo peccao, che quando o pecca e' l'è preizo e faito servo de li demoneij, e tante peccë como ello fa, tanti segnoi ello a, e se ello vem anchora a la conffessiom ello è liberao de questa servitudem e si se po megio defende da li demonei e goardasse da peccâ.
E san Griö[sic] dixe: "Quando Dee aspeta longamenti lo peccao e o non torna a penetencia, o lo fragella pu longamenti e pu duramenti."
E san Poro dixe che como la forte lisîa leva le grande tache, cossì la contrita conffessiom neteza le grande machulle de le peccae da la anima.
E santo Anbröxio dixe che se um avesse sete piage mortë e ello mostrasse le sexe e aschondesse l'una, certo quella lo metereiva a la morte per quella secreta cossì como per le sete, e cossì lo peccao chi averà tute le sete peccë mortë, se ello confessa le sexe e lo setimo per vegögna o l'aschonde, abi per fermo chi quello va cossì a lo inferno per quello peccao che l'asconde como per tute sete.
E san Jerönimo dixe che cossì como lo homo ferio non po goarî se avanti o non ne trâ la marsa föra de la piaga, cossì lo peccao non po esse salvo fin a tanto che le ree hövere non seam butë föra per la conffessiom.
E santo Agustim dixe: "Cossì como lo homo se po aschonde in la caza unde o se penssa devei pöi invorâ e dâ man a li atri söi conpagni, cossì lo peccao aschozo de lo homo lo demonio ge ne meña assai de le atre, le quë fan che la anima non po vei la gloria de lo altissimo Segnô nostro Ihu. Xe.
Lo umdecimo grao si è patiencia [sic]
L'umdecimo grao si è penetencia. De la quâ Xe. disse in lo Evangerio: "Se voi non farei penetencia 'o morei, cossì como quello chi morì sote la torre." E in um atro lögo o dixe: "Fai penetencia che se acosta lo regno de Dee." E in um atro lögo o dixe: "Fai penetencia, che quelli de Ninive ve zoigeram, persochè elli fem penetencia a la pricaciom de Jona proffeta, e mi sum pu cha Jona. 'O non porei fâ penetencia che lo segno è za misso a la reixe de lo erboro chi non porta fruto per tagiallo per metello a lo fögo per bruxallo."
E san Zoane evangelista dixe: "Fai fruto de penetencia, perssochè 'o sei regenerai per la penetencia chi fo faita a Abram, e chi a doe gonelle ne dage una a chi non n'a."
E sum questa parolla san Grigö dixe che san Zoane disse de la gonella chi è pu nesesaria cha lo mantello, e dane a intende che lo fruto de la penetencia è de tanta umillitë che non tanto o ne mostra che lo homo non fassa mâ a li men pocenti, ma eciamdee o ne mostra che fassemo bem a chi a men. E questo è de tanta caritae che o non dè tegnî lo so, ma eciamdee o lo dè partî inter li bezognozi in le grande necessitae, e questo è fruto de penetencia. Che lo nostro Segnô dixe che quello erboro sarà tagiao non solamenti quello chi fa rê fruto, ma eciamdee a chi non fruterà bem.
