 |
Gh'è stæto in problema into correze sta paggina. | |
fá uzansa növa e costume che non fe mai homo, persochè piaschum dà senper lo bon vim avanti e pöa, quando li homi sum saoli, e' deam quello vin chi non è si bon, e ti ai faito lo contrario, chè ti ai aservao lo bon vin in deré".
Or lo spazao[sic] non savea niente de queste cosse, e non ge era chi la savesse, sarvo li servioi, chi aveam traito la ëgoa e inpio le idrie, e quelli cointàn a piaschum como era staito.
Or questo fo lo primé mirachullo che fe messé Ihu. Xe. davanti a li söi disipori, e de lì avanti e' cretem fermamenti in ello.
Chì se contèm como lo Segnó Dee pricava e vègne a ello um prinapo chi disse che la soa figa era morta marota e che o la devesse goarí, e andando lo Segnó la goarì de la corensa de lo sangue.
Messé sam Mathé e messé sam Lucha evangelista dissem che messé Ihu. stava a prichá a una conpagna, e acostasse a ello um prinapo chi avea nome Omero, e orallo, e pöa o ge disse: "Segnó, la mea figa è aora morta e persò e' te prego chi ti vögi vegní e poserai la toa man sorve quella e viverà".
Or messé Ihu. Xe. se levà con li söi disipori, e andando ello per la via si trovà una bona femena chi avea avoto agni XII corensa de corpo e de sangoe. E quella bona femena, vegando che ella non poiva parlá a messé Ihu. Xe. per la grande sprecia de la gente, si pensà in so cör che se ella lo poise tochá, che ella sarea incontenente goaria, e fe tanto che ella se acostà a ello e con grande fe tochàge le vestimente.
Or questa bona femena avea per questa marotia speizo tuto so che e' l'aveiva in li megi, e mai non ge aveivam faito nissum meguramento, anti e' l'era pezurá.
Or como e' l'ave tochae le fade e le vestimente de messé Ihu. Xe., ella se sentì goaria e sana, e messé Ihu. Xe. sentì la vertue chi era insia de lé e se vozè inver la gente e si disse: "Chi è quella chi m'a tochao?"
Respoze mesé sam Pereo e li atri chi eram lì, e dissem: "Che è so che ti di: Chi è quella chi m'a tochao?"
E lantó lo Segnó levà li ögi e goardà inver quella boña dona chi stava tuta timoroza, sapiando so che g'era intervegnuo, e incontenente a se zità a li pé de messé Ihu. Xe. e ge disse como ella l'avea tochao, per la quá caxom ello l'avea goaria.
E messé Ihu. Xe. ge disse: "La toa fe si t'a goaria. Va a caza, che ti é goaria de la toa marotia".
Or quando messé Ihu. Xe. fo a caza de lo prinapo, si g'era la murtitude de la gente chi eram lì, e si ge disse: "Insí de föra, che non è morta la fantina".
E corosansse monti chi eram lì per quella parolla.
Or quando la gente fo tuta de föra, messé Ihu. Xe. intrà in caza de quello prinapo, e preize la femena per la man, e disse: "Figa, levate su sana e salva".
E jncontenente la fantina se levà viva. E lantor lo nome de messé Ihum. Xe. fo nominao per tuta quella terra, e la fama de questo mirachulo ze per tuta la citë.
Chì se contèm como lo Segnó preize XII de li söi desipori per andá in Ierusalem, e como per la via trovà lo sego e lo inluminà.
Messé sam Lucha evangelista disse che messé Ihu. Xe. preize XII de li söi desipori e dissege: "Noi vogamo andá in Jerusalem, e se conpirà le proffecie chi sum scripte e dite per li proffeti de lo Figo de la Vergem, como ello sarà scregnío e befao e traio, spuasao e a la fin e' l'amaseram, e a lo terso jorno o resusiterà".
Or nisum de li söi desipori non inteizem quelle parolle. E pöa de so incomensà messé Ihu. Xe. a caminar con li söi disipori, e aprosimansem a una citae chi a nome Gericho, e trovann lì um sego chi stava lì per demandá limoxina a quelli chi passavam lì per quella via,
