 |
Questa pagina a no l'è stæta corretta. | |
che se ciarla co-i vexìn
de terrasse che l'é in gïo...
e pupponn-e da marïo
co-i zoenotti fan l'êuggin;
perchè san che pe l'arsella
o se bolla l'ommo in mâ,
che s'o vedde l'axinella
o a vorrieiva pelûccâ...
Zà, l'ingordo, o stende a man,
zà, o goloso, o-a mette in bocca....
- O moae caa, Togno me tocca... -
ma se cincian e ghe stan.
Passa o tempo chi n'é soppo,
son e stelle in deschinâ;
doppo tante ciarle, doppo
tanto rïe, tanto axillâ
e scorrîse e fâ l'amô,
che peccoû finî o cicioezo!
lasciâ tûtto pe andâ a vezo,
pe andâ a nanna, che brûxô!
Bonn-a seja!.... bonn-a seja!...
Se risponde dä lontan:
bonn-a seja!... seja!... seja!...
a doman!... doman!... doman!...
146
