 |
Questa pagina a no l'è stæta corretta. | |
andâ intorno cö stagnon,
dâ da beive all'ortiggiêu,
dove gh'é pe-o menestron
quattro puisci e sei faxêu:
vedde o livio co-a giamella,
cö porsemmo o baxaicò;
vedde o baico, e a campanella
sciù pë canne fâ bersò:
ecco a rêuza che tremâ
fà d'amô a farfalla e l'ava…
Lûmasson no fâghe a bava,
no lasciâghe, agno, a tägnâ.
A terrassa a l'é a demôa
e o recuveo do baccan,
passatempo pe-a scignôa,
pe-i figgiêu pe-o gatto e o can:
bello vedde o sô spuntâ,
bello vedde a primma stella
chi s'aççende in çê e a parpella
mentre o sô o se caccia in mâ.
A l'é l'öa che in sciä terrassa
a piggiâ o fresco ghe và
a famiggia tûtta in massa…..
i figgiêu o papà a mamà;
145
