 |
Questa pagina a no l'è stæta corretta. | |
No gh'é ciù quello sciäto d'ûnn-a votta,
e a çittae a no l'é ciù coscì affestâ:
o poeta o l'é ûn bricchetto sensa botta;
ghe dixe a mûza: ti pêu andâ a spigoâ. -
E o poeta o gïa pë stradde alluveghïo,
o va de chì e de là, de sciú e de zù...
ste feste no ghe dan ciù quell'asbrïo,
e e rimme d'öu che vaeivan ûn Perù:
a gente a l'ha pe-a testa de lûçïe,
e co-a testa son tûtti in to ballon;
ben che a vadde, lê o fà vegnî da rïe:
cöran tûtti a-o reciammo do milion.
Veddeili! - pâ che vaddan in scï sgampi,
e se creddan toccâ co-a testa o çê....
vitta!... röso!... che passe sti falampi,
ste ciaebelle cö fêugo in to panê.
Sti pighêuggi infainae, queste vescighe,
lascemmoli ballâ o pelligordin;
e noî fedeli a-e costumanse antighe
stemmo a-o cäso do peì comme Martin.
142
