 |
Questa pagina a no l'è stæta corretta. | |
28
Foa X.a
A Besagninna
Unna çerta Besagninna
In te l'orto co a figgetta,
A l'è andêta a radicietta
Dall'erbuzza a nettezà,
A levava o fimisterno
Che tra mezo ghe nasceiva,
A scixerboa che cresceiva,
E a figgetta a stava a mià.
Doppo andando non so donde,
Aa figgetta che lì resta
De voeì fa ghe ven in testa
Quanto a Moê a l'ha visto fa;
Ma mancando de giudizio
Dappertutto a fruga e a s[c]cianta,
E a radiccia tutta quanta
A finìo p'êse arrancà.
Se con figgeù t'intoppi
I risguardi che ti é non son mai troppi
