Pagina:Lunario per le dame1811.pdf/38

Da Wikivivàgna

27


Foa IX.a
Gian Scimon.


Chi veù sentì lamenti
Vadde a trovà Manenti.
Un çerto de sti chi
C[']o stava sciù de lì
Per nonme Gian Scimon,
E che in fondo o l'ea un ommo bell'e bon
Sempre o se lamentava do coìn,
Da gragneua, du garbin,
Da sesia, da tempesta,
Per dì tutto ghe paiva in ta so testa,
Che se con le se fosse
O Segnù[sic] consegioù
A so villa a l'avreiva trionfoù;
E o Segnù per punìo
Voeì atro? o l'ha exaudìo.
Quando l'êgua o voeiva,
In ta villa ciuveiva,
E o Sò s[']o dexideava
Desteiso in ta so villa o Sô piccava.
Ma intanto Gian Scimon co a so speansa
De nuà in te l'abbondansa
E atre ville o vedeiva cresce in ben
E in ta so no nasceiva atro che fen.
Allantoa Gian-Scimon o l'ha capìo
D'êse un bello asenon câsoù e vestìo,
E o l'ha dito a o Segnù, Segnù fê voì:
Capiscio che ne sei ciù assê de mi.
Ringrazia o çe de quello c[']o te dà
[E no çercà ciû in là.]