 |
Questa pagina a no l'è stæta corretta. | |
Comme ve pä e ve piaxe
Co-a bocca ghe fæ dî,
E se taxeì o täxe,
O dorme, se dormî.
O mescia e gambe ë braççe
Comme ghe e fæ mesciä,
E l'imbottî de straççe
O raso, se ve pä.
A lô poeì däghe a parte
Da rè, da imperatô,
Da scamottêur da carte,
Da giûdiçe instrûttô.
Poeì fâne ûn gran ministro,
Poeì fâne ûn depûtôu
Ciû drîto che sinistro
Ciû päxe che arraggiôu.
Poeì fane ûn giornalista
Che pe question de pan
O faççe da realista
E da repûbblican.
Poeì fâne ûn chi crïe
Progresso e libertæ
Con ëse o rè de spie,
O rè di mandillæ.
