 |
Questa pagina a no l'è stæta corretta. | |
Queste son e sanguette
Che sûssan e nazioîn!...
Queste son e servette
De mille e ciû padroîn!...
Lô cangian de governo
Comme a cangiä vestî,
E caccian a quaterno,
Quello che vêuan servî.
-)o(-
I MARIONETTI
Evviva i marionetti
E chi l'ha fabbrichæ!
Beneiti quelli ommetti
Da lö rappresentæ!
C’ûn pö de fìferetto
E quattro spaghettin
Se guidda o marionetto
Ciù grande o ciù piccin.
