Pagina:Lunaio.Reginna.1884.djvu/74

Da Wikivivàgna
L'EBREO PREVIDENTE


1
Gh’ëa ûnn-a votta, ûn uffiziâle
Bravo, onesto e de talento,
Ma o ciû bell’originâle
Ghe ghe fosse a-o reggimento;
Sempre pronto a tempo ed ôa
A ûnn-a bùrla, ûnn-a demôa,
O n’ëa ricco, ma nemmeno
O se poeìva dî despiôu,
Ma frattanto, däo ciû a-o meno,
O l'ëa sempre indebitôu.

2
Unn-a votta, che a so borsa
A l’ëa andæta sotto o zëo,
Comme ûn’ûltima risorsa,
O ricöre da ûn Ebreo,
O ghe firma ûnn-a cambiale
Pe ûnn-a somma nominale,
Che ridûta in effettivo
A da ûn çento de fiorin,
Ciû ûn biroccio, ûn lavativo,
Çento gaggie, ûn ottavin.