Pagina:Lunaio.Reginna.1884.djvu/73

Da Wikivivàgna
O RISOTTO


Tûtti cantan e lôdi di raviêu
Mascima quande son fæti cö gotto
Perchè se collan tûtti zû d’ûn motto
E toccan tutte e viscere do chêu;

Ma l'eccellenza mai negä chi pêu
D'ûnn-a bella cassaola de risotto
De grann-a bella grossa e bazanotto,
Co-i fûnzi, co-a säsissa e co-i pignêu?

Invece de mangiälo co-a forçinn-a
L'assäto se ghe dà con o cûggiâ
Fintanto che no s'aggie a pansa pinn-a.

E, se n’avanza, se ne fä a frïtâ,
O quarche tomaxella, o granattinn-a:
Che sotto i denti ve sentî cantä!