Pagina:Lunaio.Reginna.1884.djvu/68

Da Wikivivàgna
TRA DÛI CHE FINZAN DE DÂSE

e ûn chi çerca de spartïli
-)-(-
Sûnetto

Stocchæso
Ma se mì no g'ho chêu, dunque do ræsto,

N'avieìva fæto zà tanta tonninn-a!...

Sciâtagallinn-e
Ma chi o l’è chi me tëgne cö pretæsto

Che no consûmme a mæ carneficinn-a?..

Stocchæso
Ma lasciælo vegnî, che ve g’assesto

Un pûgno ben serrôu co-a man mancinn-a!,

Sciatagattinn-e
Gente mollælo, ch’o l’è bællo læsto!...

Ghe stroscio o collo comme a’na gallinn-a!..

Stocchæso
Ch’o prëghe ch’o verghêugna de chi passa...
Sciatagallinn-e
Ch’o prëghe ch’o da fä ciû cöse anchêu,

Dunque o saiæ ûn maxello questa ciassa!..

Pacifico
Finîla de sciûgäne e bële e o chêu!...

Dæve con döe pallanche de fûgassa,
E no stæ a fä vegnî vermi a-i figgiêu!