Pagina:Lûnäio zeneize 1932.djvu/46

C. — Lengua che a taggia e a cûxe.
   T. — O sò mi ascí, Comâ!
E quell'ätra zoenotta — che a stà vixin a mí?
C. — Parlae da Sciâ Carlotta?.
   T. — Bella cösinn-a, Scí!
   Sempre co-a testa bassa — comme ûnn-a moneghetta,

   o seì comme a l'ëa grassa? — Che pansa!

C. — Meschinetta!

T. — Aöa a l'è torna stiggia — magra comme ûnn'anciöa!

C. — Ma a l'è ûnn-a bella figgia — Veddieí che a fâ a scignöa
   mi son segûa che a troeuva — ben presto un bon partïo..

T. — A cösa a no sâ noeuva - L'è veo....

C. — Comâ! eí sentïo,

   quello che l'è successo — all'oste, o Bertomê?
T. — Me pâ, coscì a un dipresso - no gh'è scappôu a moggê?
C. — Scì, co-o garson!
   T. — Perbacco!!
   C. — Ve zûo che n'ho piaxeí,
   brutto, comme ûn maccacco, — vëgio che o perde o peí,
   o l'ha vosciûo sposâ a nessa da sciâ Giggia
   che, o seí voi ascì, Comâ — a poëiva, ëse sò figgia,
   L'ëa ciù che naturale — che a sæ finïa coscí....

T. — Poi dixan da morale! — cöse ve pâ?.....

C. — Ma scí!....

L'è comme a sciâ Maria — quella che meixi fà

   a se n'è andaeta via — de co-o maïo; aöa a stà
   co-o farmacista, e pâ — che l'ätro o scïe contento!
T. — Cöse me dî, Comâ. — Madonna! cöse sento!
C. — No gh'è da mäveggiäse — seì che a-a giornâ d'anchoeu
   bezeûgna rassegnäse — e fâ comme se poeu!.....
   E o maïo da Marinn-a — Quello poco de bon!
   ebben l'ätra mattinn-a — te l'han portôu in prexon!
   Seí cöse gh'è de noeuvo? — che lê a s'è rassegnâ
   e proprio o giorno approeuvo...