Pagina:I pastoi a-o prezeppio1897.djvu/12

Da Wikivivàgna
Sata a-a navegassion Sata a-a serchia

— 11 —

Bevendone un gottin de quello sccetto.
Poi gh’azzunziö un pittin de revezêu;
E se d’in t’o barì piggiö do vin,
Mettendoghe de l’ægua o torna pin.
E lê ch’o se n’accorze se o l’è bon?
O pensa d’ëse asperto e o l'è mincion.
Dixan che e donne ne san ciù che o diao.
E vêuggio mincionalo da mæ pao.
A figgia a ten con mi; quanto a-o garzon
Me o fasso amigo cao con do vin bon.
Andemmo in casa e demmose d’attorno,
Che veddo che comensa a fäse giorno.