 |
Questa pagina a no l'è stæta corretta. | |
14.
Tutte queste raxoin schiette, e sincere
Che mi v'hò dito in ciù de dexe ottave
Così vorresse amò come son vere
Che avessan d'intro cuoè forza d'intrave
Che per esse demesteghe, e leggiere
Se me faran pareì Poeta da Rave,
Me basta, che seè bon ciù che à compoñe
A fame vorreì ben da rè garzonne.
15.
Mà come affettion rè partorisca
Così senz'arte ve rè porto tutte
Bezuoegna che s'indore, e che se lisce
Quelle teè cose che son fase, e brutte
Rà veritè chì è bella nò patisce
Che corò rà depense, arte l'aggiutte
Siccome nò hà mestè drà camerera,
Ne men drè lode mè rà vostra ciera.
