Pagina:Fioretti 1465.djvu/27

Da Wikivivàgna

non demandando nissuna atra gracia, san Michê concluze: "Mi, per la fe e devociom che ti ai in mi, e' prechurerò questa gracia che ti me demandi e monte atre gracie". E conpio che avem le lor parolle, le quae duràm per um grande spacio, san Michê Archangero se partì e lassà frai Pero monto consorao.

A lozo de Xe.


A lo tenpo de questo frai Pero o fo frai Curao de Ofida, lo qua seando inseme in lo lögo de Forano de la custodia de Antiochia*, e lo dito frai Curao se ne ze um di a la selva per contenplâ Dee, e frai Pero ge ze prestamenti de derê per vei so che ge avegnisse. E vi che frai Curao se misse in oraciom a pregâ devotamenti la Vergem Maria e con grande pianti o ge dixea che a demandasse a lo so Figiör beneito questa gracia, che o ge consentisse in pocho de quella docessa de la qua centì Simion lo di de la Puriffichaciom quando e' l'ave in barsso[sic] Ihu. Xe. Sarvao beneito. E faita l'oraciom, la mizericordiozissima Maria si lo exaodì: e echa che la Renna de lo cel ge aparsse con lo so Figör beneito in barasso, con grandissima iharitë de lume; e acostandosse a frai Curao, si ge misse in brasso quello so beneito Figiör, lo qua recevandollo devotissimamemti[sic] e abrasandolo e baxandollo e acostandoselo a lo peto e se ge desfava tuto e era in divin amor e inestimaber alegressa. E frai Pero, lo qua stava aschozo, ge pareiva centî in l'anima soa grande docessa. E partandosse la Vergem Maria da frai Curao, e frai Curao* se partì e tornàsene pian asochè nissum non se ne acorzesse; e frai Pero* se ne tornà tuto alegro e ge disse: "O selito* grande ti ai avoto anchöi grande consolacioim"; disse frai Curao: "Frai Pero, che cossa è quello che ti me di?" Disse frai Pero: "E' so bem che la Vergem Maria con lo so Figör beneito te a anchöi vexitao." Alaora frai Curao, como quello chi dexirava de esse secreto in la gracia de Dee, sei ge pregà che o non lo dixesse a nissuna persona. E d'alora[sic] avanti o fo si grande amor inter lô doi, che e' pareivam um corpo e una anima. E lo dito frai Curao una vota in lo lögo de Sirollo, con le soe oracioin e' liberà una femena indemoniâ orando tuta la nöte [e] apariando a la soa maire; e la matin si fuzì per non esse trovao ni honorao da lo pövo.

A lozo e a gloria de messê Ihu. Xe. lo qua sea beneito in seculla secullorum. Amen


43.

Lo dito frai Curao de Offida, miraber zeletô de la evangellicha povertae e de la regulla de san Francescho, [fu] de si relegioza vita e grande merito apresso de Dee, [che] Ihu. Xe. lo ornà* de monti miracori jn soa vita e depoî soa vita.

E inter li atri, una vota seando andaito a lo lögo de Offida forestê, e li frai lo pregàm per amor de Dee e de caritae, che ello amonisse um frai zovem chi era in quello lögo, lo qua se conportava cossì fasamenti e dezobedientementi, che li vegij e li zoveni de quello monestê o li turbava tuti, e si non se curava de lo officio e de le atre regulle. De che frai Curao per conpassiom de quello zovem e per le pregere de quelli frai, si ihamà da parte lo dito zovem e in frevô de sprito e de caritae instantementi o ge disse si devote parolle de ameistramenti si che con l'övera de la divina gracia quello zovem subitamenti devegne, de grasom, vego de costumi e si obediente e solicito e pacifficho e frevente a ogni cossa virtuoza, e cossì como avanti tuti li frai eram turbai de questo zovem, cossì per lo contrario tuti ne romazem contenti e consorai e si lo amavam grandementi.

Or, como piaxè a Dee, o cheite che de li a pochi di depoî questa soa consolaciom*, questo zovem morì, de che li frai se ne dorsem asai, e de lì a pochi di l'anima soa aparsse a frai Curao, stagando ello in oraciom davanti l'otâ de lo dito convento, e si lo saruà devotamenti como paire; e frai Curao ge disse: "Chi e-tu?" E quello ge respoze: "E' sum l'anima de quello frai zovem chi morì questi di". E frai Curao ge disse: "O figör carissimo, che è de ti?" E quello respoze: "Paire reverendissimo, o n'è bem per la gracia de Dee e per la vosta[sic] dotrina, e sapiai che non sum danao, ma per serte mê peccae, de le que e' non avi tenpo de fâ penetencia, e per quelle e' ne sostegno grande peñ[e] in prugatörio; per che e' ve prego, paire, che ti, cossì como per la toa pietae me socoresti quando e' era vivo, per che aora cossì te piaxe de secôreme in queste mee peñe, digando per mi alchuni paternostri, perochè la toa oraciom è monto aseta a Dee." Alaora frai Curo[sic], consentando begnignamenti a le soe pregere e digando una vota lo paternostro con requiem eternam, disse quella anima: "O paire carissimo, quanto bem e quanto refrigerio centi-e! Per che e' te prego che ti lo digi un'atra vota". E frai Curao lo disse; e dito che o l'ave, disse l'anima: "O santo paire, e' me cento tuto alegro de la peña quando ti ori; unde e' te prego che ti non resti de pregâ." Alaora frai Curao, vegando che per le soe pregere quella anima era tanto aiâ, si disse per ello cento paternostri, e conpij che ello li ave, disse l'anima: "Paire mê, e' te regracio da parte de Dee e de la caritae che ti ai avoto inver de mi, perssochè per la toa oraciom e' sum liberao da tute le penne e aora e' vago a lo regno celestiâ." E dite queste parolle l'anima se partì. E frai Curao, per dâ alegressa e confforto a li frai, si ge disse per ordem tuta quella vixiom.

Amen.


44.

In lo tenpo che frai Curao e frai Pero stavam inseme in la custodia de Anchoña, in lo lögo de Forano, li quai eram doe stelle lucente in la provincia de la Marcha e eram doi homi celestiai; inperochè inter lor era tanto amô e tanta caritae che tuti doi eram faiti um cör e una anima, e si se dem la fe inseme con questo pato, che ogni consolaciom la qua la mizericordia de Dee ge feisse, che elli se la devessem revllâ[sic] l'um a l'atro in caritae.

E fermao inseme questo pato, o cheite um di che stagando frai Pero in oraciom e penssando devotamenti la passiom de Xe.; e como la soa