 |
Questa pagina a no l'è stæta corretta. | |
Coraggioso acciappa o Ratto,
E ghe dà presto[1] recatto,
Poi co mæximo coraggio
Mangia o resto do formaggio.
Quanti, e quante ghe son,
Che pe' ignoranza, e senza riflexion[2]
A-o mâ vêuan rimediâ
C'un rimedio ciù pezo assæ do mâ!
O Cavallo Ministro.
Quando e Bestie se piccavan
D’êse giuste, e raxonavan
Comme i Ommi ciù assennæ,
No sò ciù in te che Çittæ,
Sotto o regno fortunôu
De Leon primmo tanto amôu
Un bellissimo[3] Cavallo,
Fedelissimo[4] vassallo,
Ancon ben de fresca etæ,
Pe-a so grande abilitæ
O fû eletto da-o Regnante
So ministro, e governante.
