 |
Questa pagina a no l'è stæta corretta. | |
Che terminâ a burasca,
E voendosene andâ,
A sciortì scciuindo sangue,
E quæxi tutta peâ.
Figgie, ammiæ
Ben dove andæ,
Quanti lêughi co-a magagna!
Chi va a casa no se bagna.
O Roscignêu, e o Cûcco.
Là da-i tempi, che se sente
Començâ a canzon di grilli,
E che o mûxico de mazzo
Fa gran pompa di sò trilli,
Che se vedde a vista d’êuggio
In sci proêi cresce i erbette,
E se sente imbalsamâ
Da l’odô de mille scioette,
Che montando i bæ pe-i bricchi
Fan co-e pegoe l’axillin,
E risêunna o campo, e o bosco
Da-i conçerti di oxellin;
