 |
Questa pagina a no l'è stæta corretta. | |
87
Ghe* mæ poæ, che ö më sciûga ogni momento
Se særo ûn œûggio pe dormî ûn pittin,
E ö me dixe che le* a fôa do bestento
Che sæ l’ôa d’andâ drîto ao mæ destin;
Me sovven de mæ figgio, e ö lë* ûn tormento
De pensâ che ö deve ëse ûn Re latin,
E che invece ghe levo ö pan dai denti
A son de balle e de divertimenti.
88
No le* manco mez’ôa che le* vegnûo
Ûn stafetta de Giove e ûn so messaggio
A dîme bel[inon], becco fottûo,
Ad ordiname che me mette in viaggio,
E l’ho visto e sentîo, questo te ö zûo,
Non invento, n’azzûnzo e no retaggio,
Dunque lascia corrî, ciû ti me frosci
E ciû m[oççe] ti fæ, ciû ti m’angosci.
89
A l’aveiva aspëtoû che lë ö finisse
Senza dî ûnn-a parolla e senza ansciâ,
Coi denti ciôsi e coe pûpille fisse,
Contegnindo ö ghignon pe no scciûppâ,
Sempre a tocco e no tocco e li in sce pisse
D’andâ tûtta de sorva e straboccâ,
Ma no pûendone ciû, neigra dâ raggia
Testa e cû a l’incapella e a te ghe sbraggia.
