 |
Questa pagina a no l'è stæta corretta. | |
39
O comme San[fiorenzo], ûn di ciû belli
Nostri meistri de piano e di ciû gnecchi,
Ö giava all’accassœûa fra i arboscelli
Baffi â chineise e zingomi fistecchi,
Inforcando ûn cavallo de Busnelli
Coe so gambe sottî, comme doi stecchi,
E ö fava cazze tûtte e serve e e Mamme
Comme e meie[1] camöæ cazzan dae ramme.
40
Missi tûtti in cammin, van sciû pë maccie
Tramezo ai boschi sorva e rocche e zinn-e,
Ciû che de belve seguitando e traccie
Do stûfoû de craston coe patatinn-e
Che ö le* ö scopo e a raxon de tûtte e caccie
Comme le* Pasqua pë e leitûghe pinn-e
E no ghe* bon caccioû che ö ghe demorde,
Che ö e passe sottobanca e ö se ne scorde.
41
Ö Giûlin figgio solo, e comme tale
Maeducoû, bullicugge, impertinente,
Ö fava ûn sciato che no gh’ea l’eguale
Galoppando in ça e in la continuamente,
Tiando botte coa bocca a ûn ideale
Bestia feroce e assimentando a gente
E faxendo scentâ, con ste so mosse
A vea caccia, accordoû che ghe ne fosse.
- ↑ noxe
