 |
Questa pagina a no l'è stæta corretta. | |
129
Compagno di mæ giorni fortunæ
Percöse ti te sciâti inûtilmente?
Pe no fâme dividde a to anscietæ
E a noia de viaggiâ fra tanta gente,
Iddio, che ö no sa e cose pe meitæ,
Ö m’ha fæto creppâ d’ûn accidente;
Aôa a le* comme a le*, se devo dî
No me pâ veo de n’avei ciû da mûi.*
130
Ö so ben, che pe ûn pô te rincresciâ
Pe no savei dove appussâ ö penello,
Ma ûn pô de dieta a no te fâ do mâ,
Tanto ciû che ti n'ë manco ciû noello;
Ma quando ti sæ lesto de viaggiâ,
N’aggite pûia che ti appendiæ ö capello
E in t’ûnn-a botta ti troviæ, luçia,
A gloria, l’abbondansa e a scignoria.
131
Atro no t’ho da dî bello marîo,
Che ti pensi ao figgiœû che t’ho lascioû,
Tîtelo sciû, pin de timô de Dio,
Bravo comme so poæ, ben edûcoû,
VϞggime ben, mia de sta allegro, e addio.
A sparisce e mi resto abbelinoû,
Çerco de daghe ancon l’urtimo abbrasso,
Ma sbatto l’aia, senza strenze ûn casso.
