 |
Questa pagina a no l'è stæta corretta. | |
3
Enea frattanto ö dava sciû â montâ
Do Santuario ad Apollo intitoloû,
Dove a bocca profonda e spattarâ,
Gh'ea dell'antro â Scibilla consacroû,
A Sonnambula Lidia, che spiegâ
A pueiva l'avvegnî comme ö passoû
Per mezo da sapienza, o quanto meno
De solite impostue do Dottor Feno.[1]
4
Ö l'aveiva zà ö bosco oltrepassoû,
Quando, comme pe incanto, ö Monumento
Ö se vedde davanti, impelissoû
Tûtto de marmi, ricco d'oû, d'argento;
Ghe* ûnna dîta: che quando le* scappoû
Da Creta quello pô de sacramento
De Dedalo, co-e âe fæte a cagollo,
Mentre so figgio ö se rompiva ö collo,
5
Doppo d'esise fœua do naturale
Spinto scinna a toccâ co-a testa ö polo,
Avvistoû questo monte e ö littorale,
Ö g'ha diretto immantinente ö volo,
E levandose e âe, pe consacrâle
Ad Apollo, ö l'ha appeise a ö so scurolo
Comme s'usa in te gexe e capellette,
Che son pinne de scrosoe e de scciûpette.
- ↑ Fâ mesciâ i tavolin; fâ vedde i morti
Giâ a testa a-i bûlli e addrizzâ e gambe a-i storti.
