 |
Questa pagina a no l'è stæta corretta. | |
Maestro. A scienza ciù sublime,
Che i lummi a ne despensa
Pe-a lezze e pe-a credensa,
Scibben che in parte a l’è
Fra ö popolo avvilia!....
S. Comme avvilia ! perchè ?
M. In parte pe l’indegna
Manea de chi l’insegna,
E in parte pe l’avara
Idea do chi l’impara.
S. E comme a s’avvilisce
Pe parte do dottô?
M. Quando ö ve garantisce
Pe voxe do Segnô
E tradizioin umane
E i opinioin profane
E ö fa scienza de Dio
A scienza d’un partio.
S. Quando a s’abbassa mai
Pe parte di scolai?
M, Quando ö garzon chi a studia
Per calcolo ö ripudia
A vigna do messê
Pe-a vigna do Segnô
Pe diventâ rettô;
O ö stimma meno tristo
E ciù utile mestê
Tosâ e pegoe de Cristo,
Che pasce l’aze, i baê
E a vacca de so poaê!
Per questi e paegi abusi
De teologastri intrusi,
Che han scienza non perfetta
Oppù inteuzion non retta,
O volgo, ch’ö no sa
