Distingue, ciù ö no ha
Nè a teologia concetto
Nè a-i teologi rispetto.
Ma poscibile! doppo ch’ho sofferta
Serie infinita de desgusti in vitta,
Primma o doppo a famosa descovorta
Devo anche in morte avei l’an-nima afflitta?
Da doppo ch’han i dotti guëra averta,
E che ne-i fêuggi pubblici se çitta
Carte vegie e camoae per prêuva invitta,
Dunque a mae patria a l’è fin-aoa incerta?
Ah! spero da ciù secoli o favô
D’avei un scito çerto da poei mette
Un monumento chi me fasse onô;
Ma o mae destin nemmeno o me-o permette!
Fra tanti lêughi illuminae da-o sö
Ho solo un posto fisso in te gazzette!