 |
Questa pagina a no l'è stæta corretta. | |
che vagghe per tæra questo matrimonio, che se dixe squæxi concluso.
Zan. Ma dime un poco, sciô Oraçietto; no conosceì a sciâ Argentin-na a Locandiera?
Oraç. Com-me mi mæximo, a l’è mæ cara amiga.
Zan. Dunque cose oreì çercâ de mieglio, arrecomandæve a liê.
Oraç. Ma ti creddi, che a sæ bon mezo assæ, per o sciô Ghigærmo.
Zan. Tæ, tæ, e no sei ch’o læ[1] anæto a Ziena pre fâ i appareggi pre o sò matrimonio con Argentin-na, e quello de sò figlia a sciâ Ottaia con un Rieasco?
Oraç. Questa cosa m’arriva nœuva! Non gh[']e megio mezo de questo. Fam-me o piaxeì: và presto a dighe da parte mæ, che ghe vorræ parlâ per un-na cosa de som-ma premura.
Zan. Scì, caro sciô Oraçietto, quello cordiale de quella borsetta che m’ei regalao m’ha misso l’are a i pê per servive con pontualitæ. Vaggo subito. (parte)
Oraçio, e Diego, che parla toscano.
Dieg. Signor Orazietto, la riverisco umilmente, come se la passa, come vanno i vostri in-
- ↑ l’è
