 |
Questa pagina a no l'è stæta corretta. | |
de parei contrario.
Arregordæve, che ro lacchê aspêta ra risposta.
Fab. Vaggo à sbrigâro, e torno subito.
Pasq. No ve soven che ve tremma ra man, che no poei ciù
scrive un-na riga?
Fab. Ah sì, sì, vegnirà Ottavietto in mæ compagnia, e ghe
detterò un-na lettera de poco piaxei dra sciâ Ortensia, e
de sò figgia. Andemmo.
Ott. Son à servive (via).
Pasquin-na sola.
Pasq. I nostri interessi van cangiando faccia, e pâ che ra
fortun-na ne vœugge vegnî in croppa. Tiburçio, ti ê chì;
de donde vegni tu?
Tiburçio, Pasquin-na.
Tib. Cara Pasquin-na, per servîte ho caminao con ro sciao a mezura. Çerca de chì, çerca de là. Questi scriven no se sà
donde destanâri. Pâ ch'aggian sempre ro mondo in
spalla, e ra testa gravia de Lezzi e de Statuti. L'è
bezœugnao che gire mezo Zena, per savei donde
pescâro, e poi l'ho trovao
