 |
Questa pagina a no l'è stæta corretta. | |
Mom. Cose ghe posso fâ, cara. Son confusa in cangio sò. Stento a dame da intende che posse êsse veramente so figgia. Ho speranza che un giorno da quarche aventura se degge scrovî, che sæ sciortia da quarche çeppo ciù illustre; e che m'aggian cangiao a mamma.
Cat. Me o creddo mi ascì, e ghe veddo tutte i apparenze do mondo. E quando me miro da capp' a pê, creddo d'êsse... Basta ...
Argentin-na, e Dette.
Arg. Signore, chi gh'è un lacchê chi domanda se sei in casa, e o dixe per parte de sò patron, se ghe dæ licenza ch'o vorræ riverive.
Mom. Goffa, nescia che ti ê! impara un poco a fâ i ambasciæ con megio manera; se dixe, Signore, gh'è chì un lacchê chi domanda se sei in comoditæ d'êsse visibili.
Arg. Mi non m'intendo de parlâ latin; ne ho imparao comme voî a filosofia in o Ciro do Metastasio (in atto di partire).
Mom. Che insolente! a non se pœu tosto ciù soffrî! Senti: o Patron de questo lacchê chi ælo? comme se ciamello, o te l'ha dîto?
