 |
Questa pagina a no l'è stæta corretta. | |
mi ascì dighe, che o matrimonio per mi l'è un-na cosa noiosa, e non arrivo a comprende comme se posse soffrî de stâ sempre in compagnia d'un ommo tutto o tempo de sò vitta!
Mom. Caro Pappà, lascæne piggiâ un poco de respiro. Appen-na semmo arrivæ a Zena in mezo a o bello mondo, ne vorei mette con e spalle a a muraggia, sença dane tanto tempo da tesce o nostro romanzo. Non aggæ tanta sprescia.
Pancr. (a parte). Eh non ghe n'ho ciù dubio; son immatíe! han perso o çervello! han bezœugno de paganín! (forte). Osciù per l'urtima votta ve diggo, che non ve capiscio ninte affæto, ch'ei a testa confusa. Saccæ che son mi o Patron, che comando mi; e per taggiâ curto ogni sorte de discorso; o che sarei tutte doe mariæ avanti che passe un meise, o che ve caccerò in un convento, e ve o zuro da galant'ommo. (via).
Catin-na, e Momin-na.
Cat. Coxin-na cara, tò poære çertamente o l'ha a forma infiâ in a matteria; o l'è taggiao de legname grosso in lun-na pin-na.
