 |
Questa pagina a no l'è stæta corretta. | |
Creddo che per lô sen tære incognite, biggetti douçi, belli versi, penscieretti nobili, letterin-ne amorose; e tante atre belle cose. Non vei, che o sò personale o dà un'idea de lô mæximi, e che non han quell'aria chi dagghe un-na bon-na opinion, che seggian quelli che se dixan. Belli cere de nesci! Vegnî a fâ un-na visita amorosa mâ calzæ, con capello senza ciumme; mâ petenæ, con un vestî senza gallon, in sostanza mâ missi, mâ boschæ, e d'un-na conversazion secca, nojosa. Che bella cobia d'amanti. Non se ghe pœu resiste! Fin o collarin (che per âtro me piaxan assæ quelli che pâ che crœuvan i umoî freidi) o portan così mâ agaribao, che pâ ch'aggian a o collo un pâ de muande.
Pancr. Me creddo ch'aggian perso o çervello tutte doe! Non arrivo a capî dond'aggian pescao tante dottrin-ne in materia de conversâ, de fâ l'amô! Poresci dettâ in cattedra. Voî Gironimin, voî Cattarinetta...
Mom. Pappa de grazia non ne stæ a ciammâ con questi nommi dozinali, son antigagge; ciammæne un poco ciû çivilmente.
Pancr. Che antigagge, che dozinali! questi son i vostri nommi do batæximo.
Mom. Che pensâ basso! che plebeismo! Me strasecolo pappà caro ch'aggæ possuo mette
