 |
Questa pagina a no l'è stæta corretta. | |
in testa de fâ da Signor, o se dà aria de person-na galante, o passa per Poeta, o parla malamente Toscan, e o no s'accandacca con i âtri servitoî sò eguali, anzi o i battezza per briccoin, per canaggia.
Flor. E ben? cose pretenderesci de fâ?
Flam. Cose pretendo de fâ? Bezœugna... Ma andemmo via de chì, che parleremmo ciù in segretto.
Pancrazio, e Detti.
Pancr. (Vestito con caricatura incontrando, mentre se ne vanno, Flor. e Flam.). Oh! scciao patroni; e coscì comme vala? e ben, ei visto quelle doe zovenotte, de mæ figgia, e de mæ neçça? cose ve pâ? son due cascie de zucaro da desgabelâ; ælo fioretto, o mascabado? cos'è resultao da questa vostra visita?
Flam. (con aria grave). Sciô Pancrazio ve porei informâ da lô mæxime, che ve diran a polizia, con a quæ semmo stæti reçevui. Ve son scciavo..(via).
Flor. A reveise sciô Pancrazio (via).
Pancr. Comme va questa faccenda? me pâ che se ne vaddan mâ soddisfæti! Da cose pœu
