 |
Questa pagina a no l'è stæta corretta. | |
SCENA I.a
Flor. Sciô Flaminio? (ridendo).
Flam. E ben?
Flor. Guardæme un poco senza rie.
Flam. E coscì?
Flor. Cose ve pâ da nostra visita: ne sei restao contento?
Flam. Tocca à voî a dîme, se gh[']è lœugo d'êssene restæ sodisfæti.
Flor. A divea sccetta ninte do tutto.
Flam. V'asseguro che ne son coscì stuffo, e destomagao, che non se pœu fâ de ciù. Dîme un poco s'è mai visto doe nesce fâ tante smorfie, e tante stiassature comme quelle? e doî galant'ommi trattæ de pezo? appen-na se son degnæ de dane d'assettâ! Ei osservao un continuo parlase all'oreggio, baagiâ, fregase i œuggi, domandâ che ora è. A quante interogazioin gh'emmo fæto, non han mai risposto âtro, che con un-na bocca sciuta (contrafacendo) sci signor,
