 |
Questa pagina a no l'è stæta corretta. | |
OTTAVIO, MONODDA, TIBURÇIO.
Mon. (a Ottavio). Voî sciô Ottavio appareggiæve a
sostegnî l'abordo de vostro Poære.
Ott. T'asseguro, che quest'abordo me fâ tremâ, e son
tanto timido de naturale, che non so comme a me posse
riuscì.
Mon. In primmo lœugo bezœugna stâ fermo, e forte
in sostegnî o primmo incontro; perchè s'o ve trœuva debole,
o ve meneâ con e piccagge comme un figgiœu de
doî anni. Studiæ un pô a manea de ciantâve... un pò de
sfacciatagine, e pensæ a responde resolutamente sciù
quello, che o ve vorrà interrogâ.
Ott. M'inzegnerò a a megio che porrò.
Mon. Vegnî chì, femmo un poco d'eserciçio, e vedemmo
se zugherei ben o vostro rollo. Alon. Faccia quadra...
Testa âta... Guardæme fisso in faccia.
Ott. Coscì?
Mon. Un poco ciù risoluto.
Ott. Va ben?
Mon. Ottimamente. Figuræve che mi sæ vostro Poære,
chi arrive chì arraggiaô, e respondeime con risoluçion
comme se foîsse lê mæximo... Comme pendin da
forche... Poco
