 |
Questa pagina a no l'è stæta corretta. | |
L'AVVOCATO PATELLA
Pat. Così farò. Ho da defende quello pastô, dro quæ m’hà parlao Coletta. Penso ch’o sæ giusto questo che veggo vegnî con lê. Anderò a pósâ questi arneixi, e tornerò prontamente. (via)
Coletta e Martin.
Col. Martin, ti hæ besœugno d’un avvocato sottî e furbo, chi sacce inventâ qualche filloneria per levâte d'int're peste, e chì in ro paeize no gh'è mêgio che l'avvocato Patella, chi ne sæ capaçe.
Mart. Eh ben che ro conoscio e n'emmo zà fæto ra prœuva miê fræ e mi, tempi son... ma... ne sò comme fâ à comparîghe denanzi, perchè me scordei de pagâro.
Col. Se porræ dâ ro caxo, ch'o no se ne regordasse ciù. Averti à dîghe, che ti servi ro sciô Ghigermo, che à man à man o no te vorrà defende contro de lê.
Mart. Mi zà no ghe parlerò âtro che de miê patron, sença mençunâghe ro nomme, e così o se crederà che stagghe sempre con quello che serviva quando se semmo promissi.
Col. L'è giusto chì ro to avvocato.
