Pagina:Chittarin zeneize 1881.djvu/79

Da Wikivivàgna

LETTERA 1



Amico mio carissimo, Genova..... ma parlemmo
Zûarisoræo 2 zeneize, ché megio s’intendemmo;
Vegnimmo a noî: te daggo a strepitosa nêuva,
Che finalmente é andæta in scena l’Opea nêuva.

Da quanto dixe o pûbblico, no s'é mai visto dâ
Spettacolo ciù perfido a Zena in Carlevâ.
A l’é l’Evandro in... pûlpito, cioè in pergamo, l’é o mæximo,
Libbretto che i poetastri dixan ch’o n’ha de sæximo;3
Spartïo nêuvo de trinca, do sciö meistro Mirlecchi,
Che sûbito i maligni g’han dito Timesecchi.
A mûxica a l’é scrita, dixe l’intelligente,
Co-e regole de l’arte; ma dixe ascì chi a sente
Con l’oëgio imbalsamôu (sentì che giastemmâ!)
Da-e cose de Rossini, che a ghe fa fâ a nannâ.4
Cantanti zù de l’organo, gh’é solo ûn pesso bon,
A Bassi chi é a gallinn-a ciù megio che ûn cappon.
A canta che zûadïe! a tocca o chêu..... a stordisce;
Vegni a sentîla presto che dunque a l'invegisce.