 |
Questa pagina a no l'è stæta corretta. | |
SÛNETTO 1
Manchieivo a-o mæ doveì, saeìvo tacciôu
D’ingiùsto, sconoscente e de chêu dûo,
Se doppo e grazie, che m’eì prodigôu,
No ringraziasse tûtti per menûo;
Zeneixi, portiö sempre in chêu stampôu,
Ve o diggo da Reginn-a', ansi ve o zûo,
I vostri applausi, che n’ho mai meitôu,
Se n’ho fæto de ciù, mi n’ho posciûo.
Cavalli cö Defranchi, dove seì?
Imprestæme aoa o vostro bello dî;
Sûsciæme ûn pö in te l’oëgia per piaxeì.
Vorrieivo dâ.... no posso.... oh che patî!
Me cazze i noetti, cianzo, oh despiaxeì!
Me manca a voxe... addio, Zeneixi.... addì.
