 |
Questa pagina a no l'è stæta corretta. | |
Ma sciccomme staeiva mâ
O cacciâme da-i palchetti
Cöse dôçe, fenoggetti,
E ätri cinci do speziâ,
Coscì son vegnûa a piggiâme
Quello che vorriesci dâme.
Son piccinn-a e me contento
De piggiâ cöse se sæ,
E magara di dinæ!....
Che ûn trasporto zà me sento
Per o lûcido metallo
Chi fa affiâ ciù e gambe a-o ballo.
Sento ûn ciocco!.... Oh brava gente!
Arvï a borsa!.... Ho zà capio....
Mille grazie! Scialla! addio,
Ve son serva riverente,
E me diggo Giöxeppinn-a
Primma donna e ballerinn-a.
.jpg)
