 |
Questa pagina a no l'è stæta corretta. | |
E pe-i ægue dilûvianti
Se cantava quæxi osanna
Ché ne paeivan tanta manna.
Se gh’ëa ûn morto chi passasse,
Incasciôu co-a compagnia,
O sveggiava l'allegria
Comme in tempo de cazasse 5.
Cöse arriva a fâ o spavento!
Oh che giorni de tormento!
Chi cianzeiva o poæ, chi a moæ,
Chi a moggê, chi o majo ò o fræ,
Chi sospiava o figgio e a sêu,
Chi l'amigo e chi o parente,
Tûtti e tûtte o conoscente.
Scena tragica d’orrô
D’amaressa e de stûpô,
Che dipinze no se pêu
Sensa creppatûe de chêu!
Quanti danni incalcolabili!
Quante pèrdie irreparabili!...
Primogeniti rapii,
Bravi professoî colpii,
Sommi artisti, ommi valenti,
Genii rari, gren talenti,
Quante pèrdie!... quanta gente!....
