Pagina:Chittarin zeneize 1881.djvu/381

Da Wikivivàgna

Ahimè! che brûtto ascädo
Ho avûo, ché ciù ûnn-a stissa 4
Ghe lascemmo a pellissa,
   E... addio, neghemmo,

Per quello imbriægon scemmo
Chi ne portò da ûn fosso:
S’ëa li dosso e bordosso
   E zà pe andâghe.

Ciù d’ûn se a fè in te braghe,
Chi se bagnò e fädette,
Chi ha perso e anellette
   E chì o relêuio.

Ahimè! che tremmelêuio 5
Póvea zingarellinn-a!!...
Ma dæme chi a magninn-a
   Che v’indovinn-e.

Da queste righettinn-e
Marchæ ne-o dïo do diâ 6
V’eì presto da majâ
   Voî, bella figgia.

Feliçe chi ve piggia!
Seggiæ sempre costante
A-o vostro bello amante,
   O quæ v’aspëta.