 |
Questa pagina a no l'è stæta corretta. | |
Ma primma devo dîve,
Che ho ben dovûo stentâ
Avanti d’arrivâ
Chì ne-o soggiorno
Dove respiava ûn giorno
O celebre Chiabrera,
Chi segnò a ciù bell’era
A-i savoneixi.
Partïa son da-i zeneixi
In t’ûnn-a diligensa,
Ansi ûnn-a negligensa,
Per dî mëgio,
Guidâ da ûn brûtto vëgio
E imbriægo carossê
Chi dormiva d’in pê
Comme e gallinn-e.
Tiâ da due rossuettinn-e 2
E da ûn cavallo guerso,
Tûtti de cô diverso
A ûso promëa.3
Tanta marmaggia gh’ëa
D’ommi e donne schissæ
Pëzo che i pesci sæ,
Da moî da-o cädo.
