 |
Questa pagina a no l'è stæta corretta. | |
Da illûstri mecenati, da socii generosi,
Che de vedde brammiescimo ancon ciû nûmerosi
Pe approfondîne e reixi, azzunze di elementi
Da navegâ ciû in poppa con prosperosi venti,
Che vêu dî in bon zeneize, parlando ciæo lampante,
Aveighe ciû risorse e a cascia mai vacante,
Per coltivâ i talenti e o genio svilûppâ
Di sempre ciù crescenti alûnni da giornâ;
Voto che a-o Çê porzemmo e che o vegniä exaudïo,
Zacchè non parlo a sordi.... Scignori, m’ei capïo.
Corrï con chêu magnanimo e man ben allargâ
Di nostri mecenati a lista a prolungâ;
Rendeive benemeriti, con dâ ûn pö de tribûto
A questo adolescente patrio ûtile Institûto.
Scignori e scignorinn-e, o Prologo è finîo,
Sentî a nostra Accademia e poi ciocchæne. Addio!
