 |
Questa pagina a no l'è stæta corretta. | |
PROLOGO 1
Magnifichi Scignori, ûdiensa rispettabile,
Sesso virile illûstre e bello sesso amabile,
Imbarassôu me trêuvo, me sento palpitâ
Dovendo dâve ûn schisso de cöse andemmo a fâ
In questo filarmonico e pio stabilimento,
Con questo odierno nostro pûbblico esperimento.
Veddendose onoræ da ûn nûmero imponente,
Contro ogni nostro merito, de scelta e dotta gente,
Me sento cazze e brasse; ma, fætome coraggio,
Ve diö in breve, signori,[sic] che andemmo a dâve ûn saggio
Do stûdio e di progressi ne-a nostra mûxicale
Intrapreisa carriera vocale e strûmentale
