 |
Questa pagina a no l'è stæta corretta. | |
Ricûsando, no vegnimmo,
E sò grazie n’accettemmo;
Ma che sciolli!... cöse dimmo?
Scì vegniemo... ché veddemmo
De ritorno zà o Peccetto,
Ranghezzando per fâ fïto,
Con a sò risposta in scrïto
Favorevole a-o biggetto.
Bravo! Evviva! o ringraziemmo,
Sciô Bonin, e gh’assegûemmo
Che passiemo ûnn-a giornâ
D’allegressa e gironia
In geniale compagnia
Fra o bon pitto e o bon trincâ.
Ch’emmo tanto da sbraggiâ
E coscì forte da rïe
Che vegniä zù tante prïe
Da impî quattro casce in mâ.
E con questo, scignoria,
Se ghe fa gran riverensa.
Martin Piaggio, pe incombensa
Da goffesca compagnia.
